Airway Obstruction အသက်ရှူလမ်းပိတ်ခြင်း
အသက်ရှူလမ်းမှာ အပြည့်ပိတ်တာနဲ့ တဝက်တပျက်ပိတ်တာလို့ ၂ မျိုးဖြစ်နိုင်တယ်။
2021-11-08 04:13:27 - healer
အသက်ရှူလမ်းမှာ အပြည့်ပိတ်တာနဲ့ တဝက်တပျက်ပိတ်တာလို့ ၂ မျိုးဖြစ်နိုင်တယ်။ နှာခေါင်းပေါက်ဝကနေ ဝင်လာမယ့် လေက အဆုပ်ထဲအထိမရောက်နိုင်အောင်ပိတ်နေတာဖြစ်တယ်။ တချို့အမျိုးအစားက အသက်သေစေနိုင်တယ်။ ချက်ချင်း ဆေးကုသရမယ်။
တဝက်တပျက်သာပိတ်နေရင် အသက်တော့ရှူနိုင်သေးပေမယ့် အသက်ရှူရတာခက်ခဲနေမယ်။ လုံးဝပိတ်နေရင် ချက်ချင်း ပြာနှမ်းပြီး သေဆုံးနိုင်တယ်။ အသက်ရှူလမ်းမှာ ပြင်ပပစ္စည်းတခုခုဆို့ဝင်နေလို့ဖြစ်တာကို ရုတ်ရက်ဖြစ်နည်းခေါ်တယ်။ Choke ချုတ်ရတယ်လို့ခေါ်တယ်။ စားသောက်နေရင်း၊ ကစားနေရင်း စားစရာဝင်လို့၊ ကစားစရာဝင်လို့ ဖြစ်တတ်တယ်။ တခြားနည်းတွေကအချိန်ယူပြီးမှသာဖြစ်တယ်။ နာတာရှည်ဆိုတာရှိသေးတယ်။
- • အသေးစားကနေလည်းလာပိတ်နေနိုင်တယ်။
- • အလာဂျီခေါ်မတည့်တာနဲ့ထိတွေမိလို့လည်းဖြစ်နိုင်တယ်။
- • ထိခိုက်မိလို့လည်းဖြစ်နိုင်တယ်။
- • Vocal cord ခေါ် အသံဖြစ်စေတဲ့ ဗွီပုံအကြေားလေးနှစ်ခုမှာရောဂါရလို့လည်းဖြစ်တယ်။
- • မီးခိုးငွေ့တွေရှူရလိုလည်းဖြစ်မယ်။
- • ဗိုင်းရပ်စိပိုးဝင်လို့ဖြစ်တယ်။
- • ဗက်တီးရီးယားပိုးဝင်လို့ဖြစ်တယ်။
- • Croup ခရော့ဖ်ဆိုတဲ့ အသက်ရှူလမ်းအထက်ပိုင်းရောင်ရမ်းခြင်းရောဂါကနေဖြစ်တယ်။
- • လျှာနဲ့ အပီဂလောတစ်နေရာရောင်ခြင်း။
- • လည်ချောင်းနာ၊ အာသီးရေင်ခြင်း။
- • ပန်းနာထခြင်း။
- • နာတာရှည်လေပြွန်ရောင်ခြင်း။
- • Emphysema အမ်ဖိုက်ဆီးမားရောဂါ။
- • Cystic fibrosis ဆစ်စ်တစဖိုက်ဘရိုးဆစစ်ရောဂါ၊
- • COPD နာတာရှည်အဆုပ်ပိတ်ဆို့ခြင်းရောဂါ။
ဘာတွေခံစားရမလည်း ဖြစ်တဲ့နေရာနဲ့ အချိန်ကာလအရမတူတာတွေဖြစ်လာနိုင်တယ်။ ဂနာမငြိမ်ဖြစ်မယ်။ ပြာနှမ်းလာမယ်။ စိတ်ရှုတ်ထွေးမယ်။ အသက်ရှူခက်မယ်။ လေငတ်မယ်။ ဆောက်တည်ရာမရဖြစ်မယ်။ အသက်ရှူသံ အသံတွေမည်မယ်။ သတိလစ်မယ်။ အသက်ရှူနှေးမယ်။ အသက်ရှူမြန်မယ်။ နားကြပ်နဲ့နားထောင်ရင် မူမမှန်အသံတွေကြားမယ်။ အသက်မှရှူနိုင်တော့ခြင်း။
Bronchoscopy ကိရိယာနဲ့စမ်းနည်း။ Laryngoscopy ကိရိယာနဲ့စမ်းနည်း။ X-ray ဓါတ်မှန်ရိုက်ခြင်းနည်းတွေနဲ့ ရောဂါ ရှာဖွေရမယ်။
ဖြစ်လာ ဘာလုပ်
- • အစာစားနေရင်းအစာကအသက်ရှူလမ်းမှာ မထင်မှတ်ပဲရုတ်တရက်တစ်ဆိုရင် Heimlich maneuver နည်းနဲပအသက်ကိုကယ်နိုင်တယ်။
- • endotracheal or nasotracheal tube ပိုထည့်ပေးနည်းလုပ်ရနိုင်တယ်။
- • Tracheostomy and cricothyrotomy ခွဲစိတ်နည်းနဲ့ အသက်ရှူပေါက်ဖေါက်ပေးဘို့လိုနိုင်တယ်။
- • အလာဂျီကြောင့်အသက်ရှူလမ်းပိတ်တာအတွက် Epinephrine ထိုးဆေးနဲ့အသက်ကယ်နိုင်တယ်။ EpiPens ဆေးထိုးပက်ကို ရှေးဦးသူနာပြုအိတ်မှာထည့်ထားရမယ်။
- • CPR လုပ်နည်းနဲ့အသက်ကယ်နိုင်တယ်။
ကာကွယ်နည်း
- • အစာစားတာလောဘမကြီးပါနဲ့။
- • ဖြေးဖြေးစားသောက်ပါ။
- • ကလေးတွေအစာစားနေတာကို စောင့်ကြည့်ပါ။
- • အစာကိုမျိုမချခင် ကျေညက်အောင်ဝါးပါ။
- • သွားအတုကအနေတော်ပါစေ။
- • ကလေးကစားစရာတွေကို အသက်သတ်မှတ်ချက်အရသာသုံးစေပါ။
- • အရက်သောက်များတာရှောင်ပါ။
- • ဆေးလိပ်မသောက်ပါနဲ့။
ဒေါက်တာတင့်ဆွေ
၁၂-၈-၂ဝ၁၅
Credit Source: https://doctortintswe.blogspot.com/2015/08/airway-obstruction.html
#DrTintSwe #Airway Obstruction